БАТКЕН. Баткен облусунун борбору Баткен шаарында 11 үй—бүлөгө социалдык жардам берүү максатында ссуда иретинде 100 миң сомдук сертификат тапшырылды.

Баса, буга дейре «Социалдык келишим» долбооруна Баткен шаары жана Баткен районунан жалпы жонунан 48 үй—бүлө бизнес—пландарын тапшырышкан эле. Аталган долбоордун алкагында Баткен шаарындагы 16 жашка чейинки жашы жете элек балдары үчүн “Үй—бүлөгө көмөк” жөлөк пулун алган 11 аялуу жана аз камсыз этилген үй—бүлөлөр эми жеке бизнесин ачуу мүмкүнчүлүгүнө татып олтурушат.

Ошентип, Баткен райондор аралык Эмгек, социалдык камсыздоо жана миграция башкармалыгынын башчысы Сүйүнбай Сатыбалдыевдин ырасташынча,  «Социалдык келишим» долбоору 3 жылга эсептелген. Бул аралыкта насыя алган үй—бүлөлөр жеке бизнесин ачышып, жөлөк пулга муктаж үй—бүлөлөр категориясынан милдетүү түрдө чыгышы абзел! Ушул убактылуу Жобону жүзөгө ашырууга Кыргыз Республикасынын Эмгек жана социалдык өнүктүрүү министрлигинин бюджетинен жыл сайын 300 миллион  сом каралат.

Алишер Токсонбаев, өз кабарчыбыз,

Сүрөттөрү автордуку.