• Пн. Авг 8th, 2022

Популярные метки

ОШТО “АЛТЫН ТҮЙҮН” БАЛДАР АКАДЕМИЯСЫНЫН ФИЛИАЛЫ ИШКЕ КИРИШТИ

Автор:ruh_admin

Июн 28, 2022

ОШ. Ош облусунун Кара-Суу районунун Мады айыл Өкмөтүндө Алтын түйүн” балдардын Улуттук инженердиктехникалык Академиясынын филиалы ачылды.

Бул иш-чарага Кыргыз Республикасынын Президентинин  Ош облусундагы Өкүлүнүн орун басары Данияр Жаныкулов, “Алтын түйүн балдардын Улуттук инженердиктехникалык Академиясынын директору Жаркын Бапанова жана Ош облусундагы райондордун билим берүү бөлүмдөрүнүн башчылары катышышты. Ошентип, аталган Академиянын филиалы Кыргыз Республикасынын президенти Садыр Жапаровдун тапшырмасына ылайык ачылып, буга Ош облусунун башчысы Зиядин Жамалдиновдун колдоосу аркасында облустук өнүктүрүү  фондунан бул имаратты оңдоптүзөөгө жалпысынан 1,8 миллион сом ажыратылды. Буга улай Билим берүү жана илим министрлигинин колдоосу аркасында Азия өнүктүрүү Банкы тарабынан 3,5 миллион сомдук окуу эмеректери жана техникалык жабдуулар дагы сатылып алынды.

Келаткан жаңы 2022-2023-окуу жылында “Алтын түйүн” балдардын Улуттук инженердик-техникалык Академиясынын филиалында үч багыттаробототехника, информатика жана техникалык моделдештирүү ийримдери уюштурулуп, Ош жергесиндеги талантуу окуучулар кабыл алынат жана жаш ойлоп табуучулар, ошондой эле аларды окуткан мугалимдер үчүн мастеркласстар жана семинарлар байма-бай уюштурулат. Эскерте кетээрибиз: буга дейре ушундай эле филиалдар Баткен жана Жалал-Абад облустарында дагы ачылып, иштей баштады.

Алишер Токсонбаев, өз кабарчыбыз,

Сүрөттөрү автордуку.

 

Опубликовать в Google Plus
Опубликовать в LiveJournal
Опубликовать в Мой Мир
Опубликовать в Одноклассники
Опубликовать в Яндекс