• Вс. 29 мая, 2022

Популярные метки

КАРА-СУУ РАЙОНУНДА КАТУУ ЖААНДЫН КЕСЕПЕТИНЕН СЕЛ ЖҮРДҮ

Автор:ruh_admin

Май 13, 2022

ОШ. Ош облусунун Кара-Суу районунун аймагында акыркы күндөрдө нөшөрлөп төккөн жаандын кесепетинен катуу сел жүрдү.

Өзгөчө кырдаалдар министрлигинин басма сөз кызматынан билдиришкендей, акыркы күндөрдө катуу жааган жаандын кесепетинен Ош-Сары-Таш-Эркештам унаа жолунун 4-6-7-чакырым аралыктарында сел жүрүп, натыйжада Кара-Суу районундагы Мады айыл өкмөтүнүн Кыргыз-Чек, Асан-Чек айылдарында, Шарк Айыл Өкмөтүнүн Фуркат айылында, Нариман Айыл Өкмөтүнүн Беш-Мойнок айылында 12 турак үйгө зыян келтирилген. Булардын арасынан 4 турак үйдүн жер төлөөсүнө, 8 турак үйдүн короосуна, 1 мектептин, 1 бала бакчанын жана медициналык борборунун короолорун каптаган.

Ушул тапта жеринде селдин кесепеттерин жоюу жана тактоо иш-чараларын жүргүзүүгө ӨКМдин Ош облусу боюнча башкармалыгынын башчысынын жетекчилигиндеги ыкчам топ, Кара-Суу райондук өзгөчө кырдаалдар бөлүмүнүн ыкчам тобу жана Кара-Суу районунан 16 куткаруучу, РӨКОдон 27 куткаруучу 3 мотопомпа менен, Ош шаардык башкармалыгынан 20 куткаруучу 2 мотопомпа менен, №21 ЖТИден 1 грейдер жана Айыл Өкмөтүнөн 1 экскаватор тартылды.

Алишер ТОКСОНБАЕВ, өз кабарчыбыз,

Сүрөтү автордуку.

Опубликовать в Google Plus
Опубликовать в LiveJournal
Опубликовать в Мой Мир
Опубликовать в Одноклассники
Опубликовать в Яндекс