• Пн. Июн 27th, 2022

Популярные метки

БАТКЕНДЕГИ “АРСЕНАЛ” ИШ-ЧАРАСЫ БИР НЕЧЕ КЫЛМЫШТАРДЫН БЕТИН АШКЕРЕЛЕДИ

Автор:ruh_admin

Янв 5, 2022

БАТКЕН. Баткен облус аймагында бир апта бою “Арсенал” иш-чарасы өткөрүлдү. Бул жөнүндө Баткен облустук ички иштер башкармалыгынан билдиришти.

         Маалыматка таянсак, аталган бул иш-чарада жер-жерлердеги милиция кызматкерлери каттоодо турган жарандардын ок атуучу куралдарынын сактоо эрежелери, сактоо мөөнөтү, жардыруучу, күчтүү уулуу затттарды сактоочу кампаларды бир сыйра текшерип чыгышты. Ошондой эле катталган кылмыштардын бетин ачуу, укук бузууларга жол бербөө максатында дагы өзүнчө топторго бөлүнүп иш алып барышты. Иш-мерчемдин жүрүшүндө Кызыл-Кыя шаарында катталган 7 факты уурулук кылмышынын бети ачылды. Кыргыз республикасынын Укук бузуулар жөнүндө Кодексинин 133-беренеси (ок атуучу, газ, пневматикалык, ыргытма жана электрдик куралын, же болбосо алардын атуучу ок-дарыларын сактоо жана ташуу эрежелерин бузуу) боюнча 3 протокол, 134-беренеси (ок атуучу, газ пневматикалык, ыргытма жана электрдик куралын каттоо мөөнөтүн бузуу) менен 6протокол түзүлүп, айып пулдар салынды.

Кадамжай району боюнча жеке күзөт коргоо агенттиктердин ок атуучу куралдарынын сактоо эрежелерин бузгандыгы үчүн 2 кызматкерине айып пулдар салынып, 2 сайсыз ок атуучу куралдар октору менен акт түзүлүп, убактылуу алынды. Ошондой эле Кыргыз Республикасынын Укук бузуулар жөнүндө Кодексинин 134-беренесинин негизинде 9 мергенчи атуулга протокол түзүлүп айып пулдар салынды. Эл арасында мыйзамсыз ок атуучу куралдарды тапшыруу боюнча түшүндүрүү иштери жүргүзүлүп, Майдан айыл аймагынын 35 жаштагы тургуну ок атуучу куралдын стволун өз ыктыяры менен тапшырды. Укук бузуулар Кодексинде көрсөтүлгөн 102-берене (ата-энелик милдеттерден качуу) менен-1, 126-берене (кечиктирилгис учурларда транспорт каражатын бербей коюу) менен -2, 127-берене (жол кыймылынын башка эрежелерин бузуу) менен – 3 протокол түзүлдү. Мындан сырткары жол кыймылынын коопсуздугун камсыздоо кызматы тарабынан 134 протокол толтурулуп, 2 мас айдоочу унаа башкарып жаткандыгы аныкталган. Мурда катталган 1 уурулук фактысынын бети ачылып, кармалган жаран убактылуу кармоо жайына киргизилди.

         Ал эми Лейлек району боюнча 133-берене менен 11 атуулга, 134-берене менен 6 атуулга дагы протоколдор түзүлүп, олуттуу айып пулдар салынды. Ошентип, “Арсенал иш-чарасынын жүрүшүндө издөөдө жүргөн 2 жаран аныкталып кармалып, 5 уурулуктун бети ачылды.

Алишер ТОКСОНБАЕВ, өз кабарчыбыз,

Сүрөттөр автордуку.

Опубликовать в Google Plus
Опубликовать в LiveJournal
Опубликовать в Мой Мир
Опубликовать в Одноклассники
Опубликовать в Яндекс