• Вс. 29 мая, 2022

Популярные метки

УКМК чыккынчылык үчүн шектүүлөрдүн бири Марат Казакпаев экенин билдирди

Автор:ruh_admin

Апр 14, 2021

Мекеменин басма сөз кызматынын маалыматына караганда, алар ыкчам тергөө иштеринин натыйжасында табылган далилдердин негизинде 13-апрелде кармалышты. Сотко чейинки териштирүүнүн материалдары улуттук коопсуздукка тиешеси бар болгондуктан иш купуялык негизде каралат. Эгер шектүүлөрдүн күнөөсү далилденсе алар 10 жылга эркинен ажыратылышы ыктымал.

УКМК кармалган экинчи адамдын аты-жөнүн ачыктаган жок жана ал тууралуу М.Т. деп гана маалымат берди.

Териштирүү Жазык кодексинин “Мамлекетке чыккынчылык кылуу” деген 307-беренесинин биринчи бөлүгүнүн негизинде жүрүп жатат.

Кыргызстанда Марат Казакпаев деген ат менен саясат талдоочу адам белгилүү.

Казакпаевдин тарапташтары же жактоочулары азырынча атайын кызматтын айыптоосу тууралуу комментарий берише элек.

Кыргызстанда буга чейин дагы «Мамлекетке чыккынчылык кылуу» беренеси менен кармалып, соттолгондор болгон. Алардын бири — өкмөттүк аппаратта иштеген Алтынбек Муралиев 2014-жылы кармалып, 22 жылга соттолгон жана 2019-жылы жатак абакка чыгарылган. (RK)

https://www.azattyk.org/a/31202788.html

Опубликовать в Google Plus
Опубликовать в LiveJournal
Опубликовать в Мой Мир
Опубликовать в Одноклассники
Опубликовать в Яндекс