Пятница , 16-Апрель 2021
Башкы бет / Жаңылыктар / Депутат: айыпка жыгылган айдоочулар «Коопсуз шаарды» сотко берсе утуп алат

Депутат: айыпка жыгылган айдоочулар «Коопсуз шаарды» сотко берсе утуп алат

Жол эрежесин бузуу менен айыпка жыгылган айдоочулар «Коопсуз шаарды» сотко берсе утуп алат. Бул туурасында парламенттин жыйынында депутат Бактыбек Турусбеков билдирди.

Алгач эл өкүлү «Коопсуз шаар» долбоору бизнес эмеспи деген суроо салды. Буга ички иштер министринин орун басары биринчи кезекте коопсуздук экенин айтты.

«Бул түздөн-түз бизнес, айып салып акчасын чогултуп аласыңар. Байкуш айдоочулар сотко берсе силерди утуп алат. Себеби айдоочуларга шарт түзүп берген жоксуңар. Жол чийиндерин, камераларды эл аралык талаптагыдай орнотпой «шпиондук» менен коюп, эреже бузганга мажбур болуп жатышат. Аэропортко бараткан жолго саатына 40 чакырымдык чектөөнү коюп койдуңар, ал эми мектептер жабык. Көлгө бараткан жолдо камера деген белги бар, бирок биринде да канча ылдамдык менен жүрүү керектиги жазылган эмес», — деди депутат.

Ошондой эле ал Бишкектин Горький көчөсү менен Манас проспектинин кесилишинде чийилген сызыкка эки автоунаа батпай турганын айтып, айла жок чийинди тебелеп өткөнү үчүн айып салынып жатканын мисал келтирди.

Белгилей кетсек, «Коопсуз шаар» долбоору 2019-жылдын 4-мартында ишке киргизилген. Ушул кезге чейин автоунаа ээлерине 2 миллион 163 миң 576 айып кагазы жиберилген. Учурда айыптардын 1 миллиард 527 миллион 330 миң 540 сому же 64,9 пайызы төлөндү. Ал эми эреже бузганына макул болбой 161 айдоочу ЖКККББга кайрылган.

sputnik

http://mediaplov.asia/ky/news/8925-deputat-ayypka-zhygylgan-aydoochular-koopsuz-shaardy-sotko-berse-utup-alat?fbclid=IwAR0UXm5KAvyU-ZjNJxFqqnoxzK6D7YWm1XrTlLRjtWwmAQu-X5A96AF4In4

Опубликовать в Google Plus
Опубликовать в LiveJournal
Опубликовать в Мой Мир
Опубликовать в Одноклассники
Опубликовать в Яндекс