Суббота , 16-Январь 2021
Башкы бет / Аналитика / «АДАМГА ЭҢ КЫЙЫНЫ — КҮН САЙЫН АДАМ БОЛУУ»

«АДАМГА ЭҢ КЫЙЫНЫ — КҮН САЙЫН АДАМ БОЛУУ»

О, өзүн мусулманмын деп эсептеген мекендештерим!

Мусулманчылыктагы эң жөнөкөй эреже, баалуулуктарга көңүл буруп койбойлубу…

1. Ушак-гыйбаттан алыс болгула: «Ушак айтуу өлгөн бир тууганынын этин жеген менен барабар».
2. Жаман күмөндөн алыс болгула.
3. Бирөөнүн аялын же күйөөсүн ойношчулукта айыптабагыла. Шарият боюнча ойношчулук далилдениши керек. Ойношчулук кылды деген кишилердин «ишин» манжага шакек салгандай көргөн болушса (дагы толтура шарттары бар) гана ойношчулук кылышты деп өкүм чыгат.
4. Кимдир-бирөөнү жерине карап, ата-тегинин жамандыгына, табигый кемчилигине карап күнөөлөө эң оор күнөөлөрдөн;
Бирөөгө ат коюу, келекелөөнүн жазасы жан чыдагыс азап экенин унутпагыла!

«О те, которые уверовали! Пусть одни люди не насмехаются над другими, ведь может быть, что те лучше них. И пусть одни женщины не насмехаются над другими женщинами, ведь может быть, что те лучше них. Не обижайте самих себя (друг друга) и не называйте друг друга оскорбительными прозвищами» (Сура «Комнаты», аят 11).

5. «Укпайт деп ушак айтпа, көрбөйт деп уурулук кылба» деген кыргыз. «Укпайт», «көрбөйт» сөздөрүнүн алдында Кудай деген сөз турарын унутпагыла!

7. Кайрымдуулук кылгандарды да жерден алып көргө алып жатабыз. Бир даана курма берсең да кайрымдуулук кылган болуп эсептелесиң. Анын сообу тоодой алтын берген эки жүздүүнүн сообунан жогору болуп кетиши мүмкүн.
Баары ниетке жараша. Бир ай мурун эле кандай апаат күндөрдө турганыбызды унуттукпу? Ошондо кайрымдуулук кылгандарыбызды күнөөлөбөй, жок дегенде унчукпай туралычы.
Кайрымдуулук кылгандар жөнүндө ушак тараткандарга да жан чыдагыс азаптар даярдалган экен:

«Они поносят тех, кто раздает добровольные пожертвования, и тех, кто с трудом находит средства для пожертвований. Они глумятся над ними, а Аллах поглумится над ними. Им уготованы мучительные страдания» (Сура «Покаяние», аят 79).

Бир силкинип, өзүбүздү өзүбүз күзгүдөн карап, кандай иш жасадык, оозубуздан кандай сөз чыкты анализдеп көрбөйлүбү?..

Улуу Айтматов агабыз өз каарманы Авдий Каллистратовдун тили менен: «Адамга эң кыйыны — күн сайын адам болуу», деген эмеспи. Кыргызчага ушундайча бир аз башка мааниде которулуп калган.
Оригиналда:

«Тяжелее всего человеку быть человеком изо дня в день».
Кыргызчасы «Адам үчүн эң кыйыны — адам бойдон калуу» деп которсок туура болмок.

Эрте менен адам болуп ойгонуп, кечинде айбан болуп уйкуга кетип жаткан жокпузбу?..

Нургазы Мусаев.

Опубликовать в Google Plus
Опубликовать в LiveJournal
Опубликовать в Мой Мир
Опубликовать в Одноклассники
Опубликовать в Яндекс