Понедельник , 17-Февраль 2020
Башкы бет / Кыргызстан / АСКАР АКАЕВ КЕМИНГЕ КЕЛИП, БАЛАСЫНА КЫРКЫЛЫГЫН ӨТКӨРӨТ

АСКАР АКАЕВ КЕМИНГЕ КЕЛИП, БАЛАСЫНА КЫРКЫЛЫГЫН ӨТКӨРӨТ

5 февралда экс-президент Аскар Акаевдин баласы Айдар Акаев көз жумду.Анан укук коргоочу Токтайым Уметалиева Аскар Акаев Кыргызстанга келип баласына кыркылыгын өткөрөт деп билдирди:

“8-февраль күнү Москва шаарында кыргыздын тунгуч президенти Аскар Акаевдин тун уулу Айдар Акаевди акыркы сапарга узатуу зыйнаты өттү. Казакстандын экс-президенти Нурсултан Назарбаев Аскар Акаевге жеке телефон чалып көңүл айтты. Беларусиянын биринчи президенти Станислав Шушкевич, Украинанын экс башчысы Л.Кравчук, КРнын экс-президенти Курманбек Бакиевдер Аскар Акаевдин үй бүлөсүнүн аза кайгысын тең бөлүштү. Бүгүнкү күнгө чейин дүйнөнүн төрт бурчунан көңүл айтуу телегра́ммалары келип жатат. Кыргызстандан экс-мамкатчы О.Ибраимов, экс-пермьер-министр Апас Жумагулов, экс-премьер-министр Н.Танаев, Болот Жанузаков, Кубанычбек Жумалиев, Болот Абилдаев, Курманбек Осмоновдор акыркы сапарга узатуу зыйнатына катышышты”, деди укук коргоочу.

Ага кошумча, Россиянын Кыргызстандагы элчиси Аликбек Жекшенкулов барбагандыгын айтты. Ал эми акыркы сапарга узатуу зыйнатында диаспоралардын лидерлери жана аксакалдар Айдар Акаевдин кыркылыгын мекени-Кеминде өткөрүүнү жана Аскар Акаевди Кеминге барууну сунуштады. Бирок Аскар Акаевич, “Ушундай жоопкерчиликтүү убакта бийлик кырдаалды курчутуусун каалабайм”, – деди. Аксакалдар: “Биз элдин алдында да, бийликтин алдында да жоопкерчиликти мойнубузга алабыз”, -деп айтышты. Аскар Акаев өз Мекенине кайтып келиши керек. КР Президенти Сооронбай Жээнбеков кыйын кырдаалда, Аскар Акаевге айкөлдүк кылса, кыргызда, “Султан сөөгүн кордобойт” деген сөз бар. Өткөн балит тарыхты жаап салып, биз жаңыча кадам таштап чоң ийгиликке жетип, Акаевдин билимин элге пайдаланышыбыз керек”, – деди Токтайым Уметалиева.

https://argument.kg/%d0%b0%d1%81%d0%ba%d0%b0%d1%80-%d0%b0%d0%ba%d0%b0%d0%b5%d0%b2-%d0%ba%d0%b5%d0%bc%d0%b8%d0%bd%d0%b3%d0%b5-%d0%ba%d0%b5%d0%bb%d0%b8%d0%bf%d0%b1%d0%b0%d0%bb%d0%b0%d1%81%d1%8b%d0%bd%d0%b0-%d0%ba%d1%8b/?fbclid=IwAR2CfuQUBjokrz-sKH9Ipubyt_-ZYz89UxNdSiSuMe80iPXbCUN_xSdi5yE

 

FacebookTwitter

Опубликовать в Google Plus
Опубликовать в LiveJournal
Опубликовать в Мой Мир
Опубликовать в Одноклассники
Опубликовать в Яндекс