• Пн. Июн 27th, 2022

Популярные метки

Асылбекти түз кароого Фариддин духу жетпейби?

Автор:ruh_admin

Апр 7, 2018

КСДПнын съезди табышмак болуп жаткан бүдөмүк ойлорго чекит коюп, эки достун достук мамилесине чекит коюлганын ачыктады. Бирок партия мүчөлөрү жыйналган жерге КСДПны түштүктө тааныткан, арка-бел болуп бекем туруп берген Асылбек Жээнбеков менен өткөн шайлоодо 45 миң добуш алып берген Искендер Матраимов чакырылбады. Бул экөө чакырылбай калып барбаса, КСДПнын Төрөбай Зулпукаров, Кожобек Рыспаев баштаган 4–5 депутаты чакырылса да бут басып барышкан жок. Искендерди бир тууганына шылтоолоп чакырбаса, Асылбекти эмне себептен чакырбай койгондугуна бирөө да тастыктаган жооп айта албады. Болгону Фарид Ниязов кечинде Асылбектин телефонуна “Сиз тизмеге кирбей калдыңыз…” деп СМС ыргытып тим болуптур. Телефон чалып, эмне себептен тизмеге кирбей калганын ачык айткандан корксо керек. КСДПнын идеологу делген Ниязов Асылбекке телефон чалып ачыгын айткандан чоочуп жатса, бетме-бет келип калганда эс-учун жоготуп коёбу? Ушундай адамдар менен Атамбаев саясий айдыңды кайрадан ээлейм десе, терең жаңылышат го…

«Жаңы Ордо» гезити, №11 (584),  6-апрель, 2018-жыл

Опубликовать в Google Plus
Опубликовать в LiveJournal
Опубликовать в Мой Мир
Опубликовать в Одноклассники
Опубликовать в Яндекс