Среда , 3-Июнь 2020
Башкы бет / Жаңылыктар / Өз эли сүйгөн Мапу жана «биздикилер»…

Өз эли сүйгөн Мапу жана «биздикилер»…

Кечээ Индия элинин атасы деп эсептелген Махатма (Мохандас) Ганди тууралуу кино көрдүм. Бою 164 см болгон ушул киши 13 жашында эле үйлөнгөнүнө карабай, индия элин Англиянын колониясынан эркиндикке чыгарам деп, өмүр бою күрөшүптүр, кайран киши! Элине жакын болууну көздөп, европалык кийимдерин чечип салып, дайыма өзү токуган бөздү жамынып жүрүп өттү. Индуста аны жакшы көрүп, Мапу дешчү. Акыры 1947-жылы Индия Англиянын баскынчылыгынан кутулуп, эркиндикке ээ болот. Улуу идеялар, улуу ой менен, өз эли менен бирдей жашаган Улуу даанышман…

А биздикилерчи?..
Биздикилер эмне кылмак эле, Ала-Арчага МИЛЛИОН ЕВРОлук жаңы үй салдырышты. Кой-Ташта болсо былтыр 3 гектардай жерге дагы бир үй курулган. Бизде кайдагы улуу ой, идея?! Болгон мораль миллион евролук үй, үч гектарча жердеги дагы бир үй, эли жакыр, тентип жүрсө да, өзү миллионер экендиги менен ченелип жатса!.. Кыргызстандын карызы 5 млрд. долларга жакын болуп, бийлик тушалып турган азыркы учурда, бир үй-бүлө үчүн мынча жер, үй көп эмеспи?..
Кой-Таштагы үйдү жетим балдарга, же балдарды реабилитациялоочу борбор катары берсе, кандай болоор эле? Сиз кандай ойлойсуз?

Аскер Сакыбаева.
(макала автордун ФБдагы барагынан алынды)
Опубликовать в Google Plus
Опубликовать в LiveJournal
Опубликовать в Мой Мир
Опубликовать в Одноклассники
Опубликовать в Яндекс