• Вс. 29 мая, 2022

Популярные метки

Аида Салянова прокуратуранын ашмалтайын чыгарган – Качкын Булатов

Автор:ruh_admin

Июн 24, 2016

11247084_700860320019976_5237956863573174541_nАида Салянова айымдын Адилет Айтикеев менен кайнама айтышы социалдык тармакты дүрбөлөңгө салды. Аида Салянова башкы прокурор болуп жүргөндө, кандай иш алпарганын билбесек бир жөн, көп эле актана бербесе. Эгерде биз өз көзүбүз менен көрбөсөк, укпасак анда унчукпай калмак элек. Аида айым “коррупция менен кармашып көп душман күтүп” алдым дейт, ооба, анткени коррупцияга аралашкан, аралашпаган саясый бүйрукту аткарып жүрбөдү беле. Ак үйдөн тандалма буйрукту аткарып жүргөнүңүз ачыкка чыккан эмес беле. Мыйзамдуу ууру Батукаевди Ак үйдүн жардамы менен бардык күч структуралары, дарыгер, соту кошулуп туруп чыгардыңар, анан кантип танууга болот? Видео тасма турбайбы. Батукаевди бошоткон тууралуу, сессияда карап жатканда, Турсунбек Акун экөөңөр адвокат болгонуңар калпы, же унутуп калдыкпы. Ошо кезде башкы прокурор элеңиз, ошо замат ким Батукаевди бошоткондордун үстүнөн кылмыш иш козгоп, күнөөлүүлөрдү эмнеге камакка алган жоксуңар? Эми калп эле имитация кылып, актангандын кажети барбы? Бийликте отуруп, чындыкты бурмалап жалган сөз сүйлөп жүрүп мамлекетти кризиске алып келдиңер.
Аида айым атайын байкабаска салып, бийликтен кетпестин амалын жасап, өйдө жактагы мыйзамсыз буйруктарды аткарууга туура келген. Ошондуктан өтө оор кылмыштарга баргансыңар. Бир эле Батукаев эмес, эркиндикке акчасы көп Акмат Бакиев, террорист-киллер Алтынбек Итибаевдин үч жолу бошотулганы кылмыш иш эмеспи. Эгерде биз мыйзамдуу өлкө болгондо Аида Салянова эчакта эле кылмыш жообуна тартылмак. Ал эми Аиданын күйөөсү мамлекеттик көмүр сатып алуу боюнча кылмышка катыштыга бар экенин толук кандуу далилденди. Ал эмес көмүр сатып алуу операциясына Текебаев дагы шектүү, анткени мен Текебаевге маалыматты айтсам ал титиреп, ачуусу келип, укпай кетип калган. Ошондон кийин мен Өмүрбек Чиркешевич кандайча мен берген маалыматка жини келди десем, көрсө мородёрлук боюнча дагы ушул эле Аида айым аркалуу кылмыш басылып калганын билинип калды. Негизи Аида Салянова, Д.Нарынбаев, Текебаев, Нарын облустук прокурору Ж.Салиев, Арпачиев бир компания болушуп, көп буйюртма иштерди кылышты, акыры АЛЛАнын амири менен тени түрмөдө отурушат. Парламенттик шайлодо Аида Салянова “Ата Мекен” партиясы менен шайлоого аттанганда көпчүлүк таң калганбыз. Ошондуктан 2010-жылкы мородёрчулук, банктагы ячейкар, Турат Мадылбековдун баласы Максимдин үйүн сатып ийгени, кылынган кылыктарды жаап, жашырып келген үчүн кылмыш жобуна тартыласыңар. Бир убакта мыйзамдуу өлкө болоорбуз, кантип эле өмүр бою уурулар мамлекет башкарып калсын.
Үмүт менен гана мыйзамдуу заманды күтүгө туура келет экен. Себеби дүйнө жүзү цивилизацияга умтулуп жатат, акыркы убакта авторитаризмге сокку уруп, дүйнөнүн коопсуздугуна өнүккөн өлкөлөр күрөшүп келе жатат. Ошондуктан Аиданын кылган кылмыш иштери бир убакта ачыкка чыгарына ишенем. Ошондо мородёрлордүн бети ачылып, кылмыш ишти ким жаап койгону ачыкка чыгат эмеспи.
Медет Садыркуловду өлтүргөндөрдүн кылмыш иши ачылды, бирок өз учурунда кылмыш эмне үчүн ачылган эмес? Эмне үчүн жаап жашырган генералдарды жоопко тартылган эмес. Аида айымдын күнөөсү тоодой үйүлүп калган. Анан эле парламентте отуруп, эл тагдырын кантип чечмек эле. Бийлик “мы своих не бросаем” деген сыяктуу, бири- бириңерди колдоп, бийликтен кетпей айлампа ойноп жүргөнүңөр бир күнү токтойт, азыр депутаттыкты аркалап туруңуз. Атамбаевдин каарына калбаган үчүн гана парламентте отурасыңар. Түлеев, Мырзакматов, Садыр Жапаровдой куугунтукка илинбей калдыңар. Адилет туура маселе көтөргөн, мыйзам алдында жооп бересиңер, командаңар менен!
Качкынбек БУЛАТОВ, укук коргоочу

Опубликовать в Google Plus
Опубликовать в LiveJournal
Опубликовать в Мой Мир
Опубликовать в Одноклассники
Опубликовать в Яндекс