Воскресенье , 8-Декабрь 2019
Башкы бет / Жаңылыктар / Кыргызcтанда «Фарсы тили жана адабияты» жумалыгы өттү

Кыргызcтанда «Фарсы тили жана адабияты» жумалыгы өттү

Иран Ислам Республикасындагы фарсы тилин жайылтуу боюнча Саадин фондунун жетекчисинин илим-билим тармагы боюнча орун басарынын катышуусу менен Кыргызстанда “Фарсы тили жана адабияты жумалыгы” болуп өттү.

2019-жылы 13-ноябрда Кыргыз Республикасында  эң алгачкы “Фарсы тили жана адабияты” жумалыгыСаади фондунун жетекчисинини илим-били тармагы боюнча орун басары жана Алламе Табатабаии университетинин профессору Резаморад Сахраии мырзанын катышуусу менен болуп өттү. Резаморад Сахраии алгач Иран Ислам Республикасынын Кыргызстандагы маданий өкүлчүлүгүнүн жамааты менен таанышып, өлкөдөгү жана Борбордук Азиядагы  фарсы тили жөнүндөгү жетишкендиктер жана маселелер жөнүндө баарлашты.  Андан соң Иран Ислам Республикасынын Кыргызстандагы Элчиси Али Можтаба Рузбехани менен жолугуп, Кыргызсттан менен Иран кызматташтыгынын тарыхы,  азыркы акыбалы, андагы маданий кызматташууну дагы да чыңдоо тууралуу сүйлөштү.

Ал К.Баялинов атындагы балдар жана жаштар республикалык китепкананын жетекчиси Роза Султангазиева менен жолугуп, Саади фондунун балдардын жана жаштардын келечегине арналган иш-чаралары жөнүндө кеңири баяндама берип, аталган китепкана менен Ирандагы “Балдар жана жаштар ой толгоосу” коому ортосунда кызматташуу жөнүндө сунуш киргизди.

Андан тышкары аталган китепкананын үчүнчү кабатында жайгашкан А.Осмонов атындагы улуттук китепкананын Фирдоуси борборунда болушуп, ал борборгоИран Ислам Республикасынын Кыргызстандагы Элчилигинин маданий өкүлчүлүгү тарабынан эки компьютер, фарсы тилиндеги китептер менен ирандын колго жасалган уз бумдарытапшырылды.

К.Карасаев атындагы Бишкек мамлекеттик университетинин проректору Козуев Дурус Исакбаевич менен жолугушууда, Иран мамлекети, Алламе Табатабаии университети менен аталган университеттин илим-билим тармагындагы кызматташуусу, келечек перспективалар жөнүндө баарлашып,  Резаморад Сахраии мырза аталган университеттин фарсы тили бөлүмүндө мыкты окуган эки студентти гранттын негизинде Алламе Табатабаии университетинде окутуу, Кыргызстанда фарсы тилин үйрөнүп жаткан студенттерге кыска мөөнөттүк квалификация жогорулатуу курсун өткөрүүжөнүндө ой-пикирин айтты.

Андан соң аталган университеттин  Чыгыш таануу жана эл аралык мамилелер факультетинин деканы Машрапов Таласбек Туратбекович менен жолугушуп, Саадин фондунун иш аракеттери, аталган факультетте окутулган тилдер жөнүндө, андагы фарсы тилин окуп аткан студенттердин ийгиликтери, алардын азыркы абалы жана Саади фонду тарабынан көрсөтүлгөн колдоолор жөнүндө сөз болду. Андан соң, Кыргызстанда алгачкы ирет уюшулган “Фарсы тили мугалимдери үчүн квалификация жогорулатуу” курсунун расмий ачылышы фарсы тили мугалимдер, Саади фондунун жетекчисинин орун басары Резаморад Сахраии, К.Карасаев атындагы Бишкек мамлекеттик университетинин Чыгыш таануу жана эл аралык мамилелер факультетинин деканы Машрапов Таласбек Туратбекович, Иран Ислам Республикасынын Кыргызстандагы Элчилигинин маданий өкүлчүлүгүнүн жетекчиси Парвиз Гасеми мырзалардын куттуктоо сөздөрү менен көптөн күткөн курс расмий түрдө башталды.

Ошентип чыдамсыздык менен күткөн фарсы тили боюнча квалификация жогорулатуу курсу 13 фарсы тили мугалиминин катышуусу менен башталды.

Айта кетсек Иран Ислам Республикасынын Кыргызстандагы Элчилигинин маданий өкүлчүлүгү “Фарсы тили жана адабияты” жумалыгынын алкагында профессор Резаморад Сахраии мырзанын катышуусу менен өтө тургандай кылып ар кандай программаларды даярдаган. Атай кетсек, алар:

  • К.Карасаев атындагы Бишкек мамлекеттик университетинде атайы фарсы тили мугалимдер үчүн фарсы тилин окутуу методикалары боюнча алгачкы квалификация жогорулатуу курсу жана катышуучуларга эл аралык даражадагы сертификат берилди.
  • К.Карасаев атындагы Бишкек мамлекеттик университетинде жалпы мугалимдер, студенттер жана фарсы адабиятынын күйөрмандары катышкан “Фарсы адабияты” кечеси, аталган университеттин 40 жылдык майрамы менен дал келип, кызыктуу өттү.
  • Иран Ислам Республикасында жыйырма жетинчи китеп жумалыгына карата А.Осмонов атындагы улуттук китепканада Китеп жана Иран элинин кол өнөрчүлүк көргөзмөсү өттү.
  • Кыргызстандагы Ирантаануучуларга Саади фондунун жеткечиси Хадад Адел мырза тарабынан ардак грамотасын берилди.
  • Кыргызстандагы фарсы тили окутулган университеттер менен мектептерди (Ош мамлекеттик университети, Кыргыз-Россия Славян университети, Бишкек шаардык № 2, 28, 31 жана 51, Новопавловка айылыныдагы Ч.Айтматов атындагы мектептер) жаңы окуу куралдар жана башкалар менен жабдыкталды.
  • К.Карасаев атындагы Бишкек мамлекеттик университетин расмий түрдө фарсы тили боюнча окуу куралдары менен камсыз кылынды.
  • Ушул жылдын 13-14-ноябрында Иран Ислам Республикасында өткөн “Жыйырма жетинчи китеп жумалыгы” жана Кыргызстанда өткөн “Фарсы тили жана адабияты жумалыгы” учурунда Бишкек шаарындагы ирандыктардын Имам Хомейни атындагы орто мектебинин окуучулары үчүн китеп окуу жарышы аталган мектеп менен Иран Ислам Республикасынын Кыргызстандагы маданий өкүлчүлүгү тарабынан өткөрүлүп, фарсы тилинде 50 нуска китеп белекке берилди.
  • Иран Ислам Республикасынын Кыргызстандагы Элчилиги тарабынан Ош мамлекеттик университетинин фарсы тили борборун керектүү жабдыктар менен жабдыкталды.
  • Бишкекте өткөн Фарсы тили жана адабияты жумалыгынын алкагында Ирандагы Саади фондунун жетекчисинин орун басары менен Бишкек шаардык №28 мектеп-лицейиндеги фарсы тили дарсканасында болуу.
  • 15-ноябрда Бишкек шаардык №51 мектеп-гиназиясында Фарсы тили дарсканасын ИИР КР Элчиси, Саади фондунун жетекчисинин орун басары жана ИИР КР Элчилигинин маданий өкүлчүлүгүнүн жетекчисинин катышуусу менен расмий түрдө ачылды.
  • Кыргызстанда өткөн фарсы тили жана адабияты жумалыгын тартуу үчүн Кыргызстандагы телевизиондук каналдардын бирин чакырылды; алар ирантаануучулардан, котормочулардан жана фарсы тили мугалимдеринен, ИИР КР Элчисинен жана маданий өкүлчүлүктүн жетекчисинен, Саади фондунун жетекчисинин орун басарынан, квалификация жогорулатуу курсунун катышуучуларынан интервью алышып, жогоруда аталган жумалыкты толугу менен чагылдырышты.

Кыргызстандагы фарсы тили мугалимдери үчүн уюшулган Квалификация жогорулатуу курсун ачуу аземинде Бишкек шаарындагы Фарс ньюс кабар агенттигинен, Рух медиадан жана К.Карасаев атындагы университеттин эл аралык мамилелер бөлүмүнөн катышып, сүрөтжана видеоматериалдарды даярдашты. Ал эми, аталган жумалык тууралу жаңылыкты биринчилерден болуп  төмөнкү интернет булактары чыгарышты.

Опубликовать в Google Plus
Опубликовать в LiveJournal
Опубликовать в Мой Мир
Опубликовать в Одноклассники
Опубликовать в Яндекс