Среда , 17-Октябрь 2018
Башкы бет / Досье / ТӨМЕРДИ УККАНСЫЗБЫ?

ТӨМЕРДИ УККАНСЫЗБЫ?

Азыркы маалда элдин баары эле түрк сериалдары менен ооруганы маалым. Мен башыма түк чыккандан бери сериал дегенди жактырчу эмесмин. Оюмда сериалды үйдө бош отурган үй кожейкелери көрөт го дечүмүн.Былтыркы жылы жалпы мусулман коомчулугуна таанымал болгон жана чыдамсыздык менен күтүлүп көрүлгөн Diriliş Ertuğrul жана Paıtaht.Abdulhamıt сериалдарынын бир көрүп,байланып калдым.(Эмнеси менен тартып,эмнеге байланып калганым өзүнчө бир тема).
Бирок негедир орусча туура эмес которулгандай сезим жаралды. Анан да биздин коомубузда Ислам дүйнөсүндөгү саясий кабарларды чагылдырбагандыгы үчүн, түрк маалымат булактарын кез-кезде барактап да турмайым бар эле.Бирок кашайып, көчө тили менен айтканда түркчөгө анча-мынча “майдам жетпей” жатты.Сениби,шашпа, деп туруп түркчө үйрөнүүгө бел байладым.
Шымаланып барып Bişkek TÖMER курсуна жазылдым. Сабакка баш баккандан эле Erkan хожам “Мерхаба,насылсын” деп жарга такады. Түркчөнү түркчө менен үйрөтүү усулу аркылуу бат эле түркчө чулдурап калдык. Сабак берген агайлар абдан кесипкөй педагог экендиги сабак учурунда дароо эле байкалды.Анткени ар бири өз өлкөсүнөн үлкөн бир коммиссия аркылуу тандалып,сынактан өткөндөн соң гана мекенибизге жиберилет. Көптөн бери партага отуруп, колума китеп-калем кармабай калган жаным, бирааз кыйналып,акыры нукка түшүп алдым. Тил үйрөнүү кадимкидей жакты, убактым да текке кетпегени байкалып жатты. Төмер мугалимдеринин бир өзгөчөлүгү кечке грамматика же атам түшүнбөгөн эрежелерди эле чайнай бербей, практика аркылуу бат эле үйрөтүп коюшат.
1996 жылдан бери жалпысынан бул курсарды 36 000 адам ийгиликтүү аяктаган.
Негизинен түркчө үйрөтүү борборунда тил үйрөнүү үч этап менен ишке ашат.Башталгыч “А” , улантуучу “В” жана терең “С” бөлүмү болуп үчкө бөлүнөт. Ар бир баскыч 4 айдан турат.Биринчи баскычты бүткөн адам Түркияга барып оокат кыла алат,экинчисин бүтүргөндөр эркин сүйлөшүүгө жетишет,ал эми үчүнчүсүн бүтүрсөңүз түркчө түш жооруй баштайсыз)))
Төрт ай ичинде эки дарс китебин жана эки тапшырма китебин бүтүрүүгө жетишесиз. Сабактар жумасына 5 күн, күнүнө 2 сааттан өтүлгөндүгү үчүн, жалкоомун деген мендей мококтор деле үйрөнүп кетет. Бир курс ичинде эки жолу сынак тапшырылып,эгер аны ийгиликтүү аяктасаңыз, аягында Түркия мамлекетинин стандартына туура келген жана таанылган сертификат берилет.
Жалпы курс акысыз экендигин эске салып,бул курстарды каржылаган Түркия өлкөсүнө ыраазычылык билдирүүбүз кажет. Курска жазылган адам 4 китеп жана 1 сөздүктүн жалпы өздүк баасы 3000 сом гана төлөйт.Ошондо айына 750 сомдон эле туура келип калат.
Курска катталуу үчүн бир даана сүрөтүңүз менен паспорт көчүрмөңүздү алып, борбордун Жалдагы кеңсесине кайрылууңуз жетиштүү.
Жалпы мугалимдер тобун жетектеген мүдүр Ahmet Gözübol жана жардамчылары Asım Asaroğlu менен Cevat Altuntaş бейлер сиздерге түрк меймандостугун көрсөтүп,бир бардак чай жана таттуу лукуму менен тосуп алат.
Кыргыз эли үчүн орток тарыхыбыз, маданиятыбыз,тегибиз, дилибиз,динибиз, тилибиз жана келечегибиз бир болгон түрк боордоштордон өткөн тууган жокко эсе. Өз агасын агалай албай калган жаман болбой, боордош түрк тилдүү бир туугандарыбыз менен орток түрк тили аркылуу жаркын келечек курабыз деген үмүттөмүн.
Жазганымды акырына чейин чыдап окуп, түркчө окубасам болбойт дегендер- 0708708033, 0550003040 байланыш номурлары аркылуу курска каттоо боюнча жооптуу Fari Abaskanovaдaн толук маалымат алсаңыздар болот.
Түрк тилин үйрөнүү менен бирге түрк маданиятын жана улуу Осмон дөөлөтүнүн тарыхы, кыргыз эли менен болгон окшоштук жана айырмачылыктарын да изилдей аласыздар.
Ичкилик диалектинде сүйлөгөн кыргыздар түрк тилин салыштырмалуу бат үйрүнүшөт деп эскертип кетмекчимин)))
ТӨМЕР курстары бир гана борбордун өзүндө эмес,өлкөбүздүгн белдүү жогорку жайларында да өз ишмердүүлүгүн алып барат.Мисалы, Чыгыш университети,Бишкек гуманитардык университети, Кыргыз мамлекеттик университети, Кыргыз-өзбек университети, Бишкек техникалык колледжи ж.б.
Аталган окуу жайлардын студенттери кесиптик билим менен бирге, түрк тилин үйрөнүп чыгууга да мүмкүнчүлүк алышат.
Эки боордош өлкөлөрүбүздүн ортосундагы муздар ээрип,эми мындан аркы маданий,экономикалык,саясий, билим берүү жаатындагы алакаларыбыз күчөгөн заманда, түрк тилин билүү ашыкчалык кылбайт деп ойлойм.Өлкөбүздөгү жаштардын көбү тышкы миграцияда жүргөнүн эске алуу менен бирге, тил үйрөнүп алып, Орусияга гана эмес,Түркияга да барып иштеп келүү мүмкүнчүлүгү жаралат.
Кыскасы, түрк тилин үйрөнүү курстарына жазылам дегендер барбы,ыя?!
(Макала автордун ФБдагы барагынан алынды).
Опубликовать в Google Plus
Опубликовать в LiveJournal
Опубликовать в Мой Мир
Опубликовать в Одноклассники
Опубликовать в Яндекс